Skip to content

Virgin Media Broadband 上網

申請咗成個幾月,終於喺上兩星期前安裝好咗條線啦!由三月頭申請,原本話三月中安裝,跟住話三月尾四月頭先得,到最後搞到四月中先可以安裝成功。估唔到申請一條寬頻線啫,要搞成個幾月。 香港呢方面真係做得唔錯,由申請到安裝,根本唔駛三日就搞掂。

中途更改日期安裝我已經好鬼谷氣,佢一係就早啲通知我,唔好次次都係之前一晚先通知,搞到我次次買個電話上網 plan 都唔夠用。如果佢早啲通知我,我就直接買無限上網 plan 啦!而家咁樣買電話上網 plan 都用咗差唔多成千銀港紙。 我一嬲,就會投訴,當然我唔會用電話打去投訴啦 (英文咁差打乜鬼電話)。呢度好多嘢都可以用 online chat。接通咗就開始講已經推遲咗兩三次先安裝,可唔可以有個解釋,亦話自己用多咗電話數據,而家經常 Work From Home,明明預咗你條 broadband 到,但突然咁樣推遲,搞到我失去預算。一輪嘴之後,CS 都一貫答法,系統顯示條線戶外嗰段路未拉好,安排最快嘅時間都係要 18 號,無得再安排早啲上門安裝。至於賠償問題,我哋會喺安裝完成之後再通知你。但應該大部分都係以每日 £5 計算。發洩完之後,知道講極都唔可以早啲安裝,啖氣又消咗,咁就 say thank you bye bye,乖乖等 18 號師傅嚟安裝。求神拜佛唔好再遲。

到咗安裝日,10:30AM 就有師傅到, 佢揸住架貨 van 泊喺門口,然後又拎晒電鑽,copper 線入屋。我就好奇咁問師傅,做乜有電鑽嘅? 唔可以用返之前個 broadband 插座入屋咩?佢望一望,笑笑口話唔得,因為個插座唔係佢公司。我話咁你諗住點入屋?佢又答我,戶外有個盒裝咗喺你屋牆身,而家只要對準個盒背面鑽穿幅牆就 ok。我即時走去叫老婆同業主講聲,原來電訊公司要咁做,等業主知道唔關我哋事先。業主都好無奈咁話無計啦,唯有畀佢鑽,之後影咗相 send 返畀業主睇。 跟手我又再問師傅,搞乜要推遲咗成兩次先安裝到,佢話其實唔關佢哋事,係由於要入紙去 Council,要佢哋批准先可以拉線入屋。大家都知英國人做嘢幾慢o架啦,所以先搞咁耐。師傅都用咗成個幾鐘先搞好,跟手試埋速度,無問題佢就走人啦!安裝過程都有問下佢,點解唔係用 fibre,反而仲用銅線,佢話公司呢隻叫 hybrid fibre 喎。又話我而家個 100Mb plan 都足夠 20 – 30 部 device 上網。當我同佢講香港全部用 fiber 入屋,閒閒地每個屋企嘅上網速度係 500Mb 或以上,佢表現得好 amazing…… 話畀咁快速度你哋用得著咩?有乜嘢要用咁高速? 哈哈,佢哋真係唔打 online game,如果屋企有人睇劇,又打機,又 BT,咁真係100Mb 會慢到想死。好彩我哋一家人都係正正常常上網睇下網站,Facebook 嘅啫,100Mb 就當然夠用啦!

講開上網速度,呢度平均我見到間間寬頻公司都係 sell 6XMb 左右嘅 plan,如果要高速啲都唔係太多間可以選擇。可能我住呢區加埋係排屋,所以唔係咁多選擇。如果住倫敦或者住 flat,應該就會好啲。而家我用 Virgin Media 100Mb 都要每月 £24,200Mb 就要 £30 左右。諗過計過,雖然相差只係 £6 就可以有 200Mb,但係又好似用唔著咁,都係慳返啲好。

好啦,完成安裝之後,Virgin send 咗 email 嚟話賠償問題。Delay installation 有 £84 賠償,兩次 missed appointment 有 £51,合計差唔多有 £135,真係好有誠意 (即係我有成 5.6個月唔駛錢上網)。 其實佢網站有寫明會點賠償,大家無嘢做可以去睇下。

https://www.virginmedia.com/help/billing-and-payments/automatic-compensation

順手又賣下廣告先,如果你哋又咁啱想用 Virgin Media,可以用以下嘅 Referral Link,咁你同我就可以有 £50 rebate 啦!你同我都有著數,何樂而不為呢?

Referral: Join Virgin Media

如果想清楚個 referral scheme,可以到以下網址睇睇: https://virginmedia.aklamio.com/?source=help

好多人或者好似我咁,自己帶咗個 Router 過嚟,其實 Virgin Media 會畀埋個 Virgin Media Hub 你,呢個 Hub 就係畀你用嚟 connect WiFi。 咁仲駛乜用自己帶過嚟嘅 router 呀。 其實都應該有好多人好似我咁,原來隻 router 已經 config 咗好多 setting,例如 google TV 拎乜嘢 IP,放乜嘢 port 入去 NAS…… 但係呢隻 hub 就無得咁樣畀你 set,你只可以 set 個 SSID 名、密碼,DHCP range…… 其他乜嘢功能都無。好在就係呢隻 hub 可以轉做 modem mode,咁樣大家就可以用自己帶過嚟嗰隻 router 駁住 hub 嚟上網,以前嘅 setting 可以用得返晒。

詳細教學可以睇呢篇文章教你點 set 隻 hub 做 modem

https://www.virginmedia.com/help/broadband/reboot-or-reset-hub

Published in英倫生活

Be First to Comment

Leave a Reply