Skip to content

Month: May 2007

新鞋子

早排朋友 Jacky 搞o左個 eastbay Group Order, 本來都無諗過要 join, 但係最終都受唔到魔鬼o既引誘, 臨門失守…….  唉~~~~ 我最後買o左兩對 Nike 籃球鞋.一對係 Nike Air More Tempo    另一對係 Nike Air Flight ’89  其中o既 Air…

聯合國決定於2008年停用繁體中文?

當我係網路上睇到呢篇文章時, 真係嚇o左一跳!!  唔係嘛, 點解要取消呀?  有乜理由要取消呀?  唔通大陸而家強勢, 連聯合國都要埋堆? 終於係網路上搵到其中原因.  因為中華民國是在1971年退出聯合國, 之後, 中共政權所代表的中國接收了安理會的席位, 翻查聯合國的歷史文件, 可以發現, 1971年之前的文件都是繁體字, 1971之後則只有簡體字.   個人o黎講, 我覺得繁體字比起簡體字, 真係靚好多, 雖然簡體字係書寫方面係比較方便, 但係有o的字o既意思, 係只有繁體字可以表達出o黎!  大家之前都有睇過最緊要正字呢個節目, 裡面介紹o左好多字, 亦有介紹繁體字跟簡體字o既分別.…

母親節快樂

母親大人生日快樂 今日係母親節, 係度祝天下o既母親都快快樂樂~~~~   年年o既母親節, 都同亞媽o既生日都好近, 今年都唔例外, 所以係度都祝亞媽: 生日快樂!!  永願都咁 ~~ 正 ~~  o的仔就個個搵大 (嘻嘻~~), o的女就個個都咁幸福, 咁多人錫!!  諗返以前細細個o既日子, 真係每一日都激到亞媽死死下咁.  小學一二年級時,  成日考尾一尾二, 都不知比亞媽 “flick” o左幾多o野, 搞 到亞媽o徙錢去搵補習老師教我.  好彩,…

壓力…

壓力, 兩個字, 睇到都覺得有好重, 真係好似有千斤聚住咁, 令人透不過氣來….   大家有無遇到過壓力呢?  我諗唔多唔少一定有遇過.  好似讀書時要考試測驗, 之前之後都一定有壓力.  就算係叫你去玩, 你都會有壓力o既出現.  工作上就一定有壓力啦, 做得唔好, 驚比老細鬧, 做得好, 又驚比同事之間話你係度搏乜o野.  壓力呢家o野, 真係無時無刻都會出現. 要點樣先可以完全解除壓力?  哈, 真係好難, 因為當一個壓力解決o左之後, 緊接又會出現另一個壓力, 真係吹佢唔漲.…

Live Messenger, ICQ, Yahoo Messenger

Live Messenger , 一個由 Microsoft 編寫o既 IM 軟件, 我諗大家都聽過, 甚至已經用o左成兩三年.  但係老一輩o既電腦人以前都會用 icq.   當時 icq 真係一大發明, 佢可以話拉近o左人與人之間o既距離, 但同時亦拉遠o左人與人之間o既距離.  嘩, Sir, 你嗡乜呀?  又拉近又拉遠?  咁即係點呀?  你唔明咩?  唉…….  當時 icq 真係可以幫到o的相隔異地o既人, 可以無時無刻都對話, 亦比一o的志同道合o既人, 係網上聊聊天, 大家結識朋友, 拓闊社交圈子.  但同時亦發展出另一種語言障礙, 就係 icq 亦令到o的人與人之間o既直接對話少o左.  即係當o的人出o黎食飯飲茶時, 大家都唔知要講乜好, 大家好似只係識得係 icq 先識交談, 一 face to…