經過大半年嘅籌劃，經過 11 日嘅旅程，終於完滿結束。有開心，有歡笑，有疲累，有辛苦。但係經過呢 11 日，之前嘅努力，之前所費嘅精神，都係值得嘅。因為見到你哋報以全程笑容，真係抵返晒。 今次旅程真係幾豐富，可能某啲人會覺得我哋太 hea，一日一景點，有時先一日兩景點，會話我哋浪費。不過當你有大有細嘅時候，真係唔可以將行程編得太緊。當你一日一景點，你先會發現到當地更多特別嘅嘢，平時走馬看花嘅人睇唔到嘅嘢。真心講，為咗自己，為咗小朋友，為咗老人家，去旅行啫，為求洗滌身心，去旅行都係為咗想放鬆啫，做乜要趕嚟趕去呢？ 點解唔可以慢慢享受一下呢？ hea 啲，唔好為咗去睇晒所有景點而去，唔好為咗打卡而去。 當然，屋企人嘅配合都好重要，你想 hea，但屋企人係另一種性格，咁就要大家傾掂數先啦！好慶幸，另一半仲 hea 過我，所以我哋 hea 遊家庭對 hea 遊完全無問題。而 mimi 雖然係行程 […]
日本，都仍然係嗰個日本，啲人都算 nice，街道仍然咁乾淨，列車仍然係咁準時，房間仍然係咁細，嘢食仍然係咁好食，藥妝仍然係有咁多嘢買，Lawson 仍然周街有， Family Mart 仍然成行成市，自動售賣機多到離譜，周街都係有咁多可愛嘅日本娃娃，仲有好多都無變。 變嘅係列車站頭職員識講普通話，列車售票處職員識講普通話，有專接待外國遊客嘅的士，店舖都有識講普通話嘅職員，通街都係講普通話嘅旅客，店舖接受支付寶，wechat pay 都唔接受 Google pay。 大阪，有現代化嘅高樓大廈，又有古舊嘅日本房屋，仲有世界文化遺產嘅建築物，寺廟，真係新舊交融嘅地方。 大阪，值得再去，因為我都仲有好多地方未去，心齋橋，黑門市場，通天閣，神戶outlet，真係數都有排數，數到斷氣都未數完。呢啲未去嘅景點，就唯有留返下次再去啦。 大阪，真係適合一家大細去嘅地方，所有景點都可以搭 JR 或者地鐵就去到。食嘢又方便咗，因為好多餐廳都有提供中英文 Menu。食物口味又適合大小朋友，壽司魚生唔在講，有飯有麵，仲有燒烤，中西日，總有一樣啱你食。
Book 酒店?，不停睇 agoda, Expedia, Asiayo, trivago 網站做比較。Book 門票?，不停睇 klook, kkday, 睇下點先拎到優惠買嘢有折扣。Book 機票，不停睇 skyscanner, CX, Hong Kong Airline 網站做比較。行程參考，不停睇唔同類型嘅 blog，吸取知識，景點，吃喝玩樂資訊。路線參考，不停喺 Google
十幾年之後，繼去北海道之後再次踏足日本??，本身都唔係抗拒去日本??嘅人，何解又咁耐先去呢？?? 今次去大阪，都籌備咗大半年，上年年尾已經開始留意有無特價機票，終於喺今年新年 book 到比較抵嘅機票。每次睇機票網頁我都會話咁鬼貴?，去台灣都可以去幾次。。。初初由5千幾張機票睇到而家2千幾，邊個話早買機票會平啲㗎?？ Book 好機票，當然著手搞行程啦！今次 mimi 話佢負責行程?，我當堂“放心晒”，終於唔駛我去 plan 啦，好嘢! 但係過咗幾日，我都係唔放心，做人都係要有 plan B 先得。我就上網睇定啲資料，景點，上 google 搜尋路線距離位置，睇埋啲鐵路線??，究竟點去先著數，用乜嘢票先慳啲。仲要去睇埋民宿，酒店。去 book 景點門票，火車票。。。唔好睇小 plan 行程呢啲嘢，做落係好煩，用好多時間。加埋年頭嘅時候我已經要
繼中國汶川地震後, 本世紀另一場大災難. 呢次比四川更加嚴峻, 因為地震海嘯而引發核洩漏. 呢次核輻射洩漏有可能比前蘇聯更嚴重. 有專家估計, 有可能整個東日本會受影響. 希望日本專家同有關人仕可以盡快阻止核洩漏. 同時係度向核電廠的50人英雄致敬. 今次天災, 可以睇到日本人o既教育真係做得好. 無論件事幾咁嚴重, 發生得幾咁突然, 日本人仲可以係發生後, 秩序井然, 絕對唔會自亂陣腳. 而社會企業, 絕對唔會由於天災發生, 而坐地起價, 反而會將自助販賣機免費提供比民眾享用. 而其他企業, 一樣繼續為市民服務, 大派毛毯, 食品比災民… 核輻射洩漏之後, 很多市民都無拋棄家園, 堅持留守. 以前係各大小報章睇到,