今次係第一次同朋友去旅行, 好似之前去韓國咁, 因為就唔o岩o的時間, 所以損失o左一個同朋友去旅行o既機會. 印象中記得真係同朋友去o既已經係好多年前, o個次同 LoLo, 亞范同埋佢o地 U o既同學去o左泰國, 第二次同朋友去, 係同亞 Ken, 恩叔叔, 三條友仔去o左日本. 而今次就係第三次, 亦係大伙兒一齊去, 真係好開心. 呢種旅行有別於兩個人去o既旅行, 感覺好唔同, 真係我人生o既另一種回憶. 雖然呢次旅行, 未出發已經發生o左o的唔愉快o既事, 而係旅程中又再發生一o的唔開心o既事, 但最後大家都解決晒o的問題, 完成o左呢次o既旅行, 真係好難得. 一大班人去旅行,…
經過o左兩日o既駕車體驗, 係身心都得到充分調整之下, 以為可以輕鬆面對跟住落o黎o既路程, 點知就係呢個時候, 又再出現一次難忘o既經歷. 係第三日早上, 諗住一早出發到市區食早餐, 點知山上面好大霧又大雨, 所以唯有留係農莊, 等霧散o左先落山出發去計劃中o既旅遊點! 點知經過個多小時, 山上面o既霧完全無消退o既跡象, 正當大家猶豫o既時候, 團長就話好似無咁大霧啦喎, 其實都可以落山, 只要開車小心o的應該無問題. 我諗大家都覺得如果再留係山度, 真係唔知做乜好, 會好浪費, 所以大家就一窩蜂咁上車, 落山囉…. 因為 A 車係帶頭落山, 所以我開得好小心, 話時話當時真係好緊張, 隻眼有咁大睜咁大, 唔可以有乜差錯. 當時好大霧,…
呢個旅程真係比o左好多緊張刺激o既o野比我, 真係令我膽都大o左! 去到台中, 辦好晒租車手續之後, 當然係上車睇下架車究竟係點開o架啦, 望一望, 嘩, 係軚波o黎o架? 真係唔多曉點入波喎, 好彩經過摸索之後, 最後都習慣o左. 其實開頭都有o的緊張, 話晒叫係外地第一次開車, 而且又係左軚車, 真係唔知自己分唔分得到右上左落. 第一個目的地係我o地午餐o既地方 – 新加坡甕缸雞, 原本安排 B 車帶路, A 車隨後, 點知因為 GPS o既問題, 加埋一架貨車o既”幫助下”, B…
今次台中復活之旅, 真係未出發先興奮. 我o地真係好似o的旅行團有茶會開, 又有 Schedule, 活動項目, 所有詳細資料都列晒出o黎比團友睇, 清清楚楚, 真係無得頂. 由於今次旅行係自助遊, 我o地會租兩架七人車, 一架係由我負責, 另一架就由 Solomon 負責. 而所有食住玩安排就由我o地今次活動發起人 Jacky 安排, 佢一腳踢. 由於大家都希望開一個茶會去了解行程, 去o的乜o野地方, 會做o的乜, 所以我o地就係元朗儷都酒樓延開一席. 當席間大家都了解晒行程後, 突然間有人發現一個問題, 就係邊個會坐邊架車, 原來仲欠團友o既坐車安排. 突然間有人話不如劃鬼腳o黎分配, 係大家一致同意之下,…
去完台中成個幾兩個星期, 今日先叫做得閒去整理一下o的相. 今次旅行真係影o左好多相, 亦有好多趣事發生. 不過暫時因為時間關係, 未能一一寫出o黎比大家去感受一下, 又或者未能比各團友去回顧當中o既喜怒哀樂, 各位, 等一下, 比o的時間, 應該或者好快有稿交, 放心. 喂…… 大家又唔駛即刻調頭走得咁快~~~ 雖則我無稿交o者, 但係我已經整理好晒各團友o既相片, 由上機到返香港, 等大家可以感受回顧一下呢個旅程. 仲等乜呀, click 去回憶集度睇相啦!! GoGoGo~~~
