平時晚飯都係出街食, 或者煮下公仔麵. 今日可以早放工, 又唔想返公司, 咁就好早五點半就返到屋企. 其實返到屋企, 咪又係做公司o野, 做做下已經做到七點, 開始準備今晚晚飯. 煮公仔麵? 叫外賣? 好似好悶, 又無乜心水食乜. 諗下諗下, 不如自己煮下飯仔啦. 睇下雪櫃有乜先. 有娃娃菜, 有肉丸, 好, 就整娃娃菜炒肉丸啦. 首先浸下菜, 去一去農藥; 煲一煲靚飯. 然後就係炒菜, 炒一炒之後, 再落埋o的切o左粒o既肉丸. 哈哈, […]
近日天氣變凍, 亦持續了兩星期了, 不知大家有無著多件衫呢? 大家要好好保重身體. 因為天氣問題, 好多人身體都出現毛病, 例如傷風感冒, 氣管敏感……. 大家都覺得天氣凍, 只要著多件衫就無事, 點知都係出事. 請假, 返唔到工, 唉………. 今日咁啱係 Road Show 度睇到, 勞醫生解釋o左天氣與身體的關係. 天氣凍, 好多人都以為飲啖酒, 就可以暖身, 點知原來係錯o架. 當人飲酒後, 血氣運行, 身體發熱,
電腦堂, 夠鐘上電腦堂, 大家坐好! 咳咳…. 今日要同大家講講新鮮滾熱辣o既 Windows Live Essential 2011, 大家知唔知係乜? 其實大家都會經常用到, 佢之唔係就是 MSN 囉.. 其實佢好早之前已經改o左名, 唔知大家有無發覺呢? 今次呢個新版本有乜功能, 其實佢最主要係整合o左 facebook, Myspace….. 令大家可以即時知道自己係部落格或者facebook o既動態. 而另一個功能最令我欣賞o既就係對話框o既改進. 呢個改進真係極之有用. 由其對我呢類經常性要用 msn 同很多人同一時間對話時,
估唔到2009季後賽都未打完, 新一屆的常規賽已經靜靜開始. 九月份第一場比賽, 就係新球季開始. 而呢個新球季, 我o地有一個好開始, 講得係好開始, 當然係贏波啦. 雖然今仗我無落場打, 但係我都有到球場替球隊打氣. 呢場比賽原本都想落場, 但係真係身體頂唔住, 所以最後都忍住唔落場. 經過上場夾一夾, 大家都比較知道點配合, 所以今仗大家都打得唔錯. 加埋對手真係有o的弱, 一開始已經領先對手, 壓住對手o黎打, 大家心理上已經佔優. 另外就係教練今仗特別強調快攻, 一搶到籃板就攻, 箭頭一馬當先衝向敵陣, 頻頻上籃得分, 又搏到犯規,
終於打到入 playoff, 而 8 月份就打了第一場, 大家都好開心, 今年終於打入季後賽. 第一場對手之前我o地係常規賽已經碰過, 所以大家都知道大家o既戰術, 所以一開場就打得比較緊湊. 今場由於人數方面又再出現不足, 亞Roy因為身體要休養, 我諗佢餘下賽事都應該參加唔到, 希望佢老人家好好休息下, 等來季一齊再參戰. 而高佬基又剛剛做完手術, 所以又再高掛免戰牌. 而亞雄咁啱又做咗視力激光矯正手術, 所以暫時唔可以發生激烈o既肢體碰撞, 又一個逃離戰場…. 就係咁, 教練就向外再次招手, 今次招來兩個後生仔, 希望可以加快節奏, 令到我o地呢隊老人軍可以充滿多少少活力. 今次對手年紀都叫同我o地差唔多,
今次旅程去o左好多景點 羅馬鬥獸場 – Colosseum(真係好震撼. 想睇多o的, 去睇電影 Jumper 啦) 梵蒂岡 + 聖彼得大教堂 – Basilica di San Pietro in Vaticano 聖天使堡 – Castel
真係估唔到, 繼六月中去完上海返o黎之後一個月, 又再次出發到意大利…. Wow~~~~ 我衝出亞洲啦!! 唔係再去台灣, 日本呢o的亞洲國家, Yeah~~ 今次有幸去意大利, 都係多得亞 Sol 兩公婆, 因為佢o地搵到平機票, 雖然係要轉機, 會比平常多o左四個鐘, 但係唔緊要啦, 最緊要平吖嘛!! 本身同朋友去旅行都無乜特別, 但今次最特別係同一對度蜜月o既人一齊去, 就好似有o的怪咁… 話晒係度蜜月, 當然係二人世界啦, 所以今次唔算係佢o地o既 honey moon,
今次去上海, 其實最主要係參加斐斐o既婚禮, 當然比o左成幾千蚊去上海, 無理由唔留多幾日, 所以我就留多o左三日咁多, 去睇下上海(大鄉里出城囉!!)… 上海呢期最 Hit 係乜？ 唔駛講都知係世博啦!! 難得山長水遠去到上海, 又咁o岩又有世博舉行, 當然要去睇下啦!! 我無選擇日頭去, 因為大家都覺得日間太熱啦, 熱到溶, 所以決定晚上先去. 早上我o地一行人去o左上海o既地標 – 東方明珠塔, 因為大陸同事話佢o地o黎到上海, 一定要去東方明珠塔先叫o黎過上海喎, 所以就帶o左佢o地去. 不過真係好貴,
四年一度嘅世界盃又嚟啦…. 今年主辦國係南非. 大家知唔知係南非主辦世界盃有乜特別? 唔知? 唔緊要, 講比你知, 就係大多數球場都座落係高原地帶, 有六座咁多o架, 而最高嘅球場係位於約翰內斯堡, 有成一千七百米高. 咁高原作賽有乜問題? 問題就係高原地區空氣比較稀薄, 球員會比較容易累, 抽筋, 嚴重者仲會感覺呼吸困難, 所以好多國家球隊都特別提早去高原地方作特別訓練. 而對球員另一個問題係…. 高原地帶空氣較平地稀薄, 足球飛行的速度也會增加, 球員會好難捉摸球路. 以往幾屆世界盃, 大多數都係零晨賽事, 大家都要捱更抵夜, 然後第二朝成隻熊貓眼咁返工; 日韓世盃就好啲, 但係有好多賽事都係下午, 搞到個個 “蛇王” 去睇波. 今屆就真係
今場係常規賽最後一場比賽, 地點係青衣室內體育館, 時間係晚上十點. 今場未開波前, 見到甲一籃球賽事係A場進行中, 由愉園 vs 超敏. 甲一即係甲一, 無論球員身高, 力量, 速度, 真係高好多班, 來回進攻防守, 不用五秒, 真係速度超快. 睇o左一輪, 就返去 B 場做我o既賽前熱身. 今場由於係最後一場常規賽, 教練就安排之前幾場比較少落場o既 Danny