剛剛過了 2009 年差不兩個月, 只有感覺時間真係過得好快. 一轉眼, 2008 年已經過去, 跟住新年又到, 然後話咁快又到自己生日, 跟住又會到復活節…… 近排因為實在太忙, 所以都無乜時間去 update 個 blog, 今日難得可以偷一偷閒, 雖然今日係情人節, 但係身心俱疲累o既情況下, 我倆都選擇留係屋企, 好好咁休息一下. 2008 年, […]
人生有幾多次會親身體驗撞車o既經過呢? 你o地有無咁o既經驗呢? 當然我都希望你o地唔會有呢o的咁o既經驗. 講真, 咁多年o黎, 我都睇過唔少次撞車, 通常都係一o的輕微o既碰撞. 其實撞車有好多種, 一種係比人撞, 另一種係去撞人. 猶記得早年臨近聖誔自己都曾經發生過車禍, 自己唔小心撞o左去前面架車度, 好彩衝力唔係太大, 兩車只係凹o左, 人無事. 最後只係罰款兼扣五分, 呢次係後者, 去撞人. 而今日 (又係臨近聖誕) 就比我體驗到比人撞o既滋味. 話說係大陸工作返o黎, 拖住疲乏o既身驅去搭車, 上o左架單層 276 返元朗. 當架巴士駛到快速公路中段時,
近排聽得最多o既應該係金融海嘯呢四個字, 因為美國o既次按問題, 令到一間間國際知名o既企業相繼清盤, 就連一個國家冰島都有可能要宣佈破產, 真係誇張. 係香港, 當然受到呢個金融海嘯o既影響啦, 當中最勁就係雷曼破產之後, 香港不少買o左雷曼相關產品o既投資者走晒出o黎, 話銀行呃佢o地, 引導佢o地錯誤購買, 要銀行賠償. 諗返轉頭, 原來香港有好多有錢人, 真係禾旱冚珍珠, 唔係呢件事, 都唔知道添. 跟住又傳東亞銀行濟提, 又話會破產, 搞到o的人係咁去銀行提錢, 有日係新聞見到有人居然提o左 380 萬 放入背囊,
遊船河? 喂, 乜你識游水咩? 你都會去玩海上活動o既咩 哈哈… 係呀, 我唔識游水o架!! 但係我以前去泰國時又玩過香蕉船, 水上電單車喎!! 唔係一定要識游水先可以玩o架嘛, 我有著救生衣, 何況有咁多人係度, 點都搵到一個半個o黎救我o既, 嘻嘻~~~ 今次公司搞船河真係煩, 點解咁講? 首先係預定出發前一日, 居然掛九號風球, 搞到要押後出發, 到o左第二次出發前一日, 又係狂風暴雨, 諗住又要押後, 點知船家話如果唔係掛風球, 無得取消, 照出發, 前一日都仲落雨落到死,
近排睇o左好多棟篤笑, 繼之前推介過o既林海峰- 踎低噴飯之後, 今次睇o左另外三套o既棟篤笑. 分別有黃子華o既兒童不宜; 森美o既 The Show Must Go Wrong; 林海峰o既求其大合唱. 三個人, 分別有唔同o既表演手法. 當中最令我喜歡o既係林海峰, 佢真係好得, 腦筋真係轉得好快, 好多時都會爆下肚, 臨場執生又夠快, 有時觀眾比佢寸o左都唔知, 佢會令到在場人仕個個都咁開心. 佢講o既好多時都係生活方面o既事, 令你好有共鳴.
2008 年 8 月 24 日係奧運o既閉幕禮, 正式代表北京奧運圓滿結束. 下屆倫敦奧運就要等到 2012 年, 大家先可以再次投入奧運熱潮. 今屆北京奧運真係辦得有聲有色, 絕對估唔到中國可以比到咁大o既驚喜比全世界. 由開幕禮一刻開始, 全世界都已經注視中國, 究竟中國可以將奧運辦成點? 經過北京奧委會o既努力, 各界人仕o既協助, 今屆奧運真係可以講話, Perfect. 今屆奧運, 大家都應該會成日諗返個開幕禮, 因為實在太精彩,
話咁快就到北京奧運o既日子, 8 月 8 日就係開幕禮, 唔知今次開幕禮會搞成點? 不過我諗一定會搞得好好睇, 早幾日有綵排, 見到放好多煙花, 又有好傳統o既中國儀式, 真係好期待. 今日聽到一則好震驚o既消息, 就係我公司有一個客, 佢o地由於要慶祝奧運o既關係, 8 月 8 日全公司放假一天! 嘩, 真係不得了, 呢個奧運仲勁過世界盃!! 世界盃都係自己請假去睇波, 但係呢個奧運居然會有公司自動放假比員工,
又到電腦時間, 今日教大家o既係米高梳乎(Microsoft) Windows 上網點解會變慢呢? 其實近排有好多客戶打o黎問o左一個問題, 好彩自己有經驗先可以幫佢o地解決. 事緣係咁o既~~~~~ 近日覺得上網唔知點解會突然間慢o左? 初時以為去大陸網站慢係正常, 後來又發覺連外國網站都係咁慢, 莫非係 ISP 公司出o左問題? 但係無理由係屋企定公司都係咁, 問o左o的同事, 佢o地又唔覺慢喎…. 而且再諗下, 無理由連本地網站都咁慢! 又再諗下, 唔通係我 bt 緊, 所以慢, 但係暫停o左 bt
一連兩日去o左睇戲, 星期日一大早十一點半係元朗睇功夫熊貓. 星期一夜晚就去o左睇 Will Smith 主演o既街頭超人. 星期日係睇早場, 元朗百老匯睇早場真係抵, 只係三十個大洋, 由於我o地上網訂飛, 所以要比六蚊雞手續費, 真係抵到爛. 所謂o既早場, 只不過係十一點半(中午啦), 所以起身都唔算太辛苦, 如果你話以前睇九點半場就真係有o的早啦. 睇完戲仲可以同班朋友去飲茶吹水, 消磨一個下午, 真係一個好好o既節目. 講返呢兩套戲先, 佢o地都無令我失望, 都唔錯. 尤其係功夫熊貓, 佢o既動畫水準非常高, 你可以清楚咁見到熊貓身上o既毛毛,
近排又再次迷上o左玩 TV Game. 自從換o左 LCD TV 之後, 感受到大電視畫面之下打機o既震撼感覺, 加埋陳奕迅出o左隻 HD o既演唱會, 更加加速o左我走向 HD o既世界. 當然, 要走向 HD 世界, 除o左要有符合 1080P o既 TV